في السحور، الوقت دايمًا بيكون ضيق والجوع في اليوم التالي ممكن يكون مرهق لو الاختيار كان غلط، لكن السر مش في الكمية، بل في اختيار مكونات صحية تجمع بين البروتين والألياف والدهون الصحية.
طريقة عمل سندوتشات سحور مشبعة في 10 دقائق
الوصفات دي هتكون جاهزة في 10 دقائق، ومجربة، وتشبع لساعات من غير عطش، من الشيف سارة الحافظ.
سندوتش بيض مسلوق بالزبادي طاقة هادية
المكونات:
– 2 بيضة مسلوقة
– 2 ملعقة زبادي
– رشة ملح وفلفل
– رغيف بلدي أو توست أسمر
– خيار أو خس
الطريقة: اهرسي البيض مع الزبادي والتوابل، احشي العيش وقدميه فورًا
هذا السندوتش بروتينه عالي ولا يسبب عطش وبيحتاج 5 دقائق
سندوتش فول بالسمنة والليمون كلاسيك
المكونات:
– فول مدمس ساخن
– ½ ملعقة سمن بلدي أو زيت زيتون
– عصرة ليمون
– كمون
– طماطم وخيار
الطريقة: اخلطي الفول بالكمون والسمن والليمون، واحشيه
هذا السندوتش مليء بالألياف اللي تشبع لفترة طويلة وبدون شطة علشان ما تسببش عطش وبيحتاج 7 دقائق
سندوتش جبنة قريش بالزيتون خفيف ويكفي
المكونات:
– جبنة قريش
– زيتون أخضر أو أسود
– رشة زعتر
– زيت زيتون
– عيش أسمر
الطريقة: اخلطي الجبنة بالزيتون والزعتر والزيت، وقدميها
هذا السندوتش ممتاز للمعدة وبروتينه بطيء الهضم وبيحتاج 5 دقائق
سندوتش تونة بدون عطش
المكونات:
– تونة مصفاة كويس
– ملعقة زبادي أو طحينة خفيفة
– عصرة ليمون
– خس
الطريقة: اخلطي المكونات واحشي العيش
لا تضيفي ملح، هذا السندوتش يشبع حتى الظهر وبيحتاج 8 دقائق
سندوتش بطاطس مهروسة بالبيض مشبع جدًا
المكونات:
– بطاطس مسلوقة
– بيضة مسلوقة
– رشة فلفل
– زيت زيتون
الطريقة: اهرسي الكل مع بعض واحشيه
هذا السندوتش مثالي للأيام الطويلة وبيوفر طاقة ثابتة وبيحتاج 10 دقائق
أخطاء سحور تضيّع اليوم
– مخللات
– شطة
– لانشون
– جبن مالحة
– مشروبات غازية.
نصيحة ذهبية
اشربي كوباية ماء مع كوباية لبن أو زبادي مع السندوتش، وهتحسي بالفرق في الصيام.