الكثير من الناس بيدوروا على طريقة سهلة لتحضير الزبادي في البيت بتكلفة بسيطة، خصوصًا مع ارتفاع أسعار المنتجات الجاهزة ورغبة الأسر في التأكد من جودة المكونات المستخدمة.
الزبادي يعتبر من الأطعمة الأساسية على المائدة المصرية، لأنه غني بالقيمة الغذائية وله فوائد صحية كثيرة سواء كان سادة أو مع فواكه.
طريقة تحضير الزبادي المنزلي
لعمل الزبادي في البيت، نبدأ بتسخين الحليب على النار لدرجة دافئة فقط من غير ما نوصل لدرجة الغليان، بعد كده نخلط الزبادي مع الحليب كويس لحد ما يتجانس الخليط تمامًا.
ثم نوزع المزيج في أكواب صغيرة أو طواجن مخصصة للزبادي، نقوم بتسخين الفرن لمدة عشرين دقيقة ثم نطفيه قبل ما ندخل أكواب الزبادي، ونسيبها في الفرن المغلق طول الليل لحد ما تتماسك.
وفي الصباح نخرجها ونحفظها في الثلاجة لحد ما نحتاجها.
طريقة عمل الزبادي بالفواكه
ممكن نعمل زبادي بالفواكه في البيت بسهولة من خلال 3 مكونات أساسية، وهي لتر من الحليب، عبوة زبادي، وكمية من الفواكه اللي تحبها زي الفراولة أو الخوخ.
نبدأ بتسخين الحليب على النار من غير ما نغليه، بعد كده نخلط الزبادي مع الحليب لحد ما يتجانسوا، ثم نضيف قطع الفاكهة ونقلبهم كويس لضمان توزيعهم.
نصب المزيج في أكواب أو طواجن مخصصة، ثم نسخن الفرن لمدة عشرين دقيقة ونطفيه قبل ما ندخل الأكواب، ونسيب الأكواب في الفرن المغلق طول الليل لحد ما يتماسك الزبادي، وبعدين نحفظه في الثلاجة عشان يكون جاهز للتقديم.
الزبادي غني بالعناصر الغذائية وله فوائد صحية كتير، بيساعد في ترطيب الجسم خلال ساعات الصيام وبيقلل الشعور بالعطش، كمان يعزز الإحساس بالشبع لفترات أطول.
ويعتبر مصدر مهم للكالسيوم اللي بيدعم صحة العظام والأسنان، وتناوله بانتظام يساهم في تقليل مخاطر هشاشة العظام.
كمان يحتوي على البروبيوتيك اللي تعزز صحة الجهاز الهضمي وتساعد في تخفيف أعراض القولون العصبي والإمساك والإسهال المزمن، بالإضافة لدورها في تقوية المناعة.
الانتظام في تناول الزبادي بيدعم صحة القلب وينظم ضغط الدم، لأنه يحتوي على فيتامينات ب مثل ب12 وب2، بجانب عناصر البوتاسيوم والمغنيسيوم والفوسفور اللي تدعم عمليات التمثيل الغذائي في الجسم.